თბილისში, ხორავას ქუჩაზე მომხდარი მკვლელობის საქმის ერთ-ერთი მოწმის მამა, პროკურატურის ყოფილი თანამშრომელი მირზა სუბელიანი დააკავეს, – ამის შესახებ შინაგან საქმეთა მინისტრის მოადგილე ნათია მეზვრიშვილმა შსს-ში გამართულ ბრიფინგზე განაცხადა.
როგორც ნათია მეზვრიშვილმა აღნიშნა, სუბელიანი დანაშაულის შეუტყობინებლობის ბრალდებით დააკავეს.
ამავე საქმეზე შსს-მ სისხლის სამართლის კოდექსის 372-ე მუხლით 8 ივნისს მერაბ მორჩაძე დააკავა. აღნიშნული მუხლი მოწმეზე ზემოქმედებას გულისხმობს.
ხორავას ქუჩაზე მოკლული დავით სარალიძის მამა, ზაზა სარალიძე მირზა სუბელიანს დამნაშავეების მფარველობაში ადანაშაულებს.
ხორავას ქუჩაზე ორი არასრულწლოვანი პირველ დეკემბერს დაჭრეს. ლევან დადუნაშვილი საავადმყოფოში მიყვანამდე დაიღუპა, ხოლო დავით სარალიძე 2 დეკემბერს, საავადმყოფოში გარდაიცვალა.
სასამართლომ ლევან დადუნაშვილის განზრახ მკვლელობაში დამნაშავედ ცნობილ გ.ბ-ს 10 წლითა 6 თვით პატიმრობა მიუსაჯა, ხოლო დამამძიმებელ გარემოებაში არასრულწლოვან დავით სარალიძისგანზრახ მკვლელობის მცდელობაში ბრალდებულ გ.ჯ.-ს 9 წელი და 9 თვე.
[fbvideo link=”https://www.facebook.com/MIAofGeorgia/videos/1422809037821091/” width=”500″ height=”400″ onlyvideo=”1″]