ხობში, პოლიციის თანამშრომლებს სპორტსმენები ფიზიკურად გაუსწორდნენ.
გავრცელებული ინფორმაციით, არაფხიზელ მდგომარეობაში მყოფ სპორტსმენებთან განყოფილების თანამშრომლები მივიდნენ და საზოგადოებრივი წესრიგის დაცვისკენ მოუწოდეს, რაზეც ისინი გაღიზიანდნენ.
მომხდარზე დაკავებულია 4 ადამიანი, მათ შორისაა მსოფლიო ჩემპიონი ქართულ-რომაული სახოების ჭიდაობაში, ნუგზარ წურწუმია.
დაკავებულები ფოთის პოლიციის განყოფილებაში არიან გადაყვანილი, მათ ბრალს, სავარაუდოდ, დღეს წარუდგენენ.
მომხდარზე დაკავებული 4 პირიდან ორ მათგანთან მიმართებით გამოძიება სისხლის სამართლის კოდექსის 353-ე მუხლით (პოლიციელზე, სპეციალური პენიტენციური სამსახურის მოსამსახურეზე ან ხელისუფლების სხვა წარმომადგენელზე ანდა საჯარო დაწესებულებაზე თავდასხმა) მიმდინარეობს, ხოლო დანარჩენ ორზე გამოძიება ადმინისტრაციულ სამართალდარღვევათა 166-ე (წვრილმანი ხულიგნობა) და 173-ე (პოლიციელის კანონიერი მოთხოვნისადმი დაუმორჩილებლობა) დაიწყო.
