ხობის მუნიციპალიტეტის სოფელ შუა ხორგაში ტრაქტორის ქვეშ 60 წლამდე მამაკაცი მოჰყვა და მიღებული დაზიანებებისგან გარდაიცვალა.
არსებული ინფორმაციით, ტრაქტორი ტვირთით იყო დატვირთული.
შინაგან საქმეთა სამინისტრომ მომხდარზე გამოძიება სისიხლის სამართლის კოდექსის 276-ე მუხლის მე-5 ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.
ოჯახი მომხდარ ფაქტთან დაკავშირებით კომენტარს არ აკეთებს.