ხმაური იუსტიციის საბჭოს სხდომაზე – არამოსამართლე წევრები ილონა თოდუას დაუპირისპირდნენ

region
ავტ.: region ივლისი 16, 2019 17:11

ხმაური იუსტიციის საბჭოს სხდომაზე – არამოსამართლე წევრები ილონა თოდუას დაუპირისპირდნენ

დაპირისპირებით და ხმაურით მიმდინარეობს იუსტიციის უმაღლესი საბჭოს სხდომა. დაპირისპირების მიზეზი მოსამართლე ილონა თოდუას ბინის საკითხი გახდა. საბჭოზე განმარტებები გააკეთა ილონა თოდუამაც, თუმცა საბჭოს არამოსამართლე წევრების განცხადებით, არგუმენტები საფუძვლიანი არ იყო.

ილონა თოდუას თქმით, 2014 წლამდე მშობლების ბინაში ცხოვრობდა, დაოჯახების შემდეგ კი თავი ვალდებულად ჩათვალა, მშობლების ბინა დაებრუნებინა, თავად კი იუსტიციის საბჭოს სთხოვა ბინის ქირაობა.

მოსამართლე ილონა თოდუას დაცვა სცადეს იუსტიციის უმაღლესი საბჭოს წევრებმაც და ბინის დაქირავების შესახებ განმარტებები გააკეთეს.

„ადამიანი წავიდა, შექმნა საკუთარი ოჯახი, დაიწყო ცხოვრება და არ ჰქონდა საკუთარი ბინა და ქირაობს სახელმწიფო, ანუ ქალბატონმა ილონამ რამე სარგებელი მიიღო? იმ ბინის ქირავნობა გაფორმდა, რაც დედამისის სახელზე გაფორმდა. რაშია პრობლემა?“ – განაცხადა იუსტიციის საბჭოს მოსამართლე წევრმა, რევაზ ნადარაიამ.

საბჭოს სხდომა 2 საათის განმავლობაში მიმიდიანრეობდა. ნაზი ჯანეზაშვილის განცხადებით, მან ვერ მოისმინა სრულყოფილი განმარტებები ილონა თოდუასგან და საკითხის შესწავლის მიზნით სასამართლოს დამოუკიდებელ ინპექტორს საჯაროდ მიმართა. ჯერჯერობით უცნობია, დაინტერესდება თუ არა, ინსპექტორი 2014 წლის ამ ტრანზაქციით.

region
ავტ.: region ივლისი 16, 2019 17:11

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,030
ვიზიტორი
დღეში
Powered By Google Analytics