ხმაური დუშეთში-საპროტესტო აქციის მონაწილეებმა, რომლებიც სამარშუტო ტაქსებზე მგზავრობის ღირებულების გაიაფებას ითხოვენ, გზის გადაკეტვა სცადეს. ისინი გზის სავალი ნაწილიდან ადგილზე მობილიზებულმა საპატრულო პოლიციის თანამშრომლებმა ძალის გამოყენებით გადაიყვანეს, რასაც აქციის მონაწილეების მხრიდან შეძახილები მოჰყვა. აქციას შეუერთდნენ ის მგზავრები, რომლებიც სამარშრუტო ტაქსში ისხდნენ და რომლებსაც არ ატარებდნენ აქციის მონაწილეები.
ამ დროისთვის სამანქანო გზა გახსნილია და მანქანები თავისუფლად გადაადგილდებიან. ადგილზე მობილიზებულია პოლიცია.
