ხმაური დარგობრივი კომიტეტის სხდომაზე – ფინანსთა მინისტრის აზრით, ბოკერია ციფრებთან “კარგად ვერ არის”

region
ავტ.: region აპრილი 23, 2019 15:54

ხმაური დარგობრივი კომიტეტის სხდომაზე – ფინანსთა მინისტრის აზრით, ბოკერია ციფრებთან “კარგად ვერ არის”

დარგობრივი ეკონომიკის კომიტეტზე ფინანსთა მინისტრის დღევანდელი გამოსვლა ხმაურის ფონზე მიმდინარეობდა. ოპოზიციას შენიშვნები, მთავრობის ეკონომიკურ და ფისკალურ პოლიტიკასთან დაკავშირებით ჰქონდა. განსაკუთრებული ხმაური მოჰყვა ლარიზაციის პროცესზე საუბარს. ოპოზიციის წევრები დაინტერესდნენ, რატომ მოუწოდებს ეკონომიკის მინისტრი საზოგადოებას, რომ დანაზოგი ლარში შეინახონ, როცა თავად დანაზოგი დოლარში აქვს.

ოპონენტების კრიტიკა ფინანსთა მინისტრისთვის მიუღებელი აღმოჩნდა. მან „ევროპული საქართველოს“ ერთ-ერთ ლიდერს, გიგა ბოკერიას უთხრა, რომ ციფრებთან კარგად ვერ იყო.

„ალტერნატივა აქციზის გადასახადის ზრდის და საპენსიო გადასახადის არის სახელმწიფოს დანგრევა? მეტ ფულს წაართმევთ თუ არა საპენსიო რეფორმით ხალხს თუ არა? მითხარით, “-მიმართა ბოკერიამ მაჭავარიანს.

მინისტრმა ბოკერიას უთხრა, რომ საპენსიო რეფორმა არაფერ შუაშია და ის მოსახლეობას არ აზარალებს.

„გავიგე, რომ ციფრებთან ვერ ხართ კარგად. როდესაც 400-500 ლარიან დაპირებებს იძლევიან პენსიების, მომავალში ჩვენ გვინდა 1000 და 2000 ლარამდე გავზარდოთ პენსია, თუ არ წავიდა დაგროვებით, მაშინ ეს განაკვეთები კი აღარ დარჩება 25% , დარჩება რაც ევროპულ ქვეყნებშია, 40-45%-იანი და ა.შ.“-განაცხადა მაჭავარიანმა.

მან პარლამენტში ეროვნული ბანკის პრეზიდენტის განცხადებებზეც ისაუბრა. მისი თქმით, ლარიზაციასთან დაკავშირებით მისი და კობა გვნეტაძის მიდგომებს შორის არსებითი განსხვავება არ არის.

“გეტყვით პაპულარულ მარტივ ენაზე, დაახლოებით, რასთან გვაქვს საქმე. ვისაც თინეიჯერი შვილი გვყავს ვნერვიულობთ, რომ გვიან არ მოვიდნენ,რამე არ დაუშავდეთ. სხვაობა გინდათ დავიყვანოთ ჩემსა და ბატონი კობას მიდგომებს შორის. ის ამბობს,რომ ათ საათზე მოვიდეს ბავშვი სახლში და მე ვამბობ, რომ 12-მდე დატოვეთ,“-განაცხადა მაჭავრიანმა.

ამ პარალელის გამო მაჭავარიანი გიგა ბოკერიამ გააკრიტიკა. “ევროპული საქართველოს” ერთ-ერთმა ლიდერმა მას უთხრა, რომ ძალიან ცუდი შედარება გამოუვიდა, როცა საქართველოს მოქალაქეები მოზარდებთან გააიგივა.

„ვიცოდი კიდეც რომ თქვენ ბავშვებად მიგაჩნიათ საქართველოს მოქალაქეები. ცუდი ანალოგია გამოგივიდათ, მით უმეტეს, როცა ეროვნული ბანკის პრეზიდენტმა იქამდე კულტურის ამაღლება დაისახა მიზნად ხალხის, რომ ჩვენ ხალხმა არ იცის ფულის დაგროვებაო და ჩვენ იმისთვის ვართ რომ ვასწავლოთო,“-მიმართა ბოკერიამ მაჭავარიანს.

მაჭავარიანმა კი მას უთხრა, რომ არ ეკადრებოდა მსგავსი შინაარსის კომენტარი, რაზეც ბოკერიამ მინისტრს ურჩია, რომ მორალის კითხვა არ დაეწყო.

სიტყვიერი დაპირისპირება მინისტრსა და ბოკერიას შორის მაჭავარიანის რეპლიკით დასრულდა, რომელმაც თქვა, რომ თუკი ვინმეს ქვეყნის მოსახლეობა ბავშვად მიაჩნია, ეს ნიშნავს, რომ მათზე ისევე ზრუნავს, როგორც ბავშვებზე.

„თუ ვინმეს ბავშვად მიაჩნია, ეს ნიშნავს,რ ომ უფრო მეტს ზრუნავს,“- აღნიშნა მინისტრმა.

region
ავტ.: region აპრილი 23, 2019 15:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


4,829
ვიზიტორი
დღეში
Powered By Google Analytics