რუსთავში 74-ე უბანზე “ნაციონალური მოძრაობის” წევრი, გიორგი კაპანაძე პირდაპოირ ეთერში სამართალდამცველებმა ძალის გამოყენებით უბნიდან გაიყვანეს, მანქანაში ჩასვეს და წაიყვანეს.
პოლიციელებს მედიასთან არ განუმარტავთ რის გამო დააკავეს გიორგი კაპანაძე, რომელიც უბანზე “ნაციონალური მოძრაობის” დამკვირვებლის სტატუსით იმყოფებოდა.
საარჩევნო უბანზე გიორგი კაპანაძე აკაკი ბობიხიძესთნა ერთად “ნაციონალური მოძრაობის” წევრების მიერ დაფიქსირებული დარღვევების გამო იყო მისული. მათი ინფორმაციით, აღნიშნულ უბანზე ამომრჩეველთა იდენტიფიცირება ხდებოდა. კერძოდ, კომისიის თავმჯდომარე ამომრჩევლის საარჩევნო ნომრებს იწერდა და ამ გზით არკვევდა იყვნენ თუ არა “ქართული ოცნების” პოტენციური ამომრჩევლები მისული უბანზე.
გარდა ამისა, ოპოზიციის წევრების ცნობით, 74-ე უბნიდან მათი დამკვირვებლებიც გამოაძევეს. სწორედ ამის გასაპროტესტებლად იმყოფებოდნენ ოპოიციონერები უბანზე მისული.
“კანონი იძლევა საშუალებას, რომ უბანი დაატოვებინონ, მაგრამ დააკავონ და საერთოდ ჩამოაშორონ არჩევნებს არანაირი ინტერპრეტაცია კანონის ამის საფუძველს არ იძლევა”,- თქვა კაკო ბობოხიძემ .
