ხმაური აჭარის უმაღლეს საბჭოში – დაპირისპირება ფოიეშიც გაგრძელდა

region
: region ივნისი 6, 2019 16:34

ხმაური აჭარის უმაღლეს საბჭოში – დაპირისპირება ფოიეშიც გაგრძელდა

ხმაური აჭარის უმაღლესი საბჭოს რიგგარეშე სხდომაზე. სიტყვიერი დაპირისპირება ნეპოტიზმის თემას მოყვა. ურთიერთ ბრალდებები უმაღლესი საბჭოს ფოიეში გაგრძელდა.

„ნაციონალური მოძრაობა“ ირწმუნება, რომ აჭარაში თანამდებობის პირები ნათესაური კავშირებით არიან დასაქმებულები. თავის მხრივ, “ქართული ოცნება” ლევან ვარშალომიძის მმართველობის პერიოდს იხსენებს.

“„ქართული ოცნება” გააღიზიანა იმ ფაქტმა, რაზეც ჩვენ და ნებისმიერი მოქალაქე საუბრობს კორუფციასთან და ნეპოტიზმთან დაკავშირებით. „ქართული ოცნების“ წევრები ერთ-ერთ ჩემს კოლეგას დაუპირისპირდნენ, რომ თითქოს ვარშალომიძის ნათესაობით ვართ უმაღლეს საბჭოში. მოგვიანებით ბაციკაძემ გაასწორა და თქვა, რომ თურმე ვარშალომიძემ ჩემ გარდა სხვა ყველა შეარჩია ნათესაობით“, – განაცხადა აჭარის უმაღლესი საბჭოს ფრაქცია „ერთიანი ნაციონალური მოძრაობის“ თავმჯდომარემ ელგუჯა ბაგრატიონმა.

აჭარის უმაღლესი საბჭოს რიგგარეშე სხდომაზე ოპოზიციამ უმრავლესობის წევრებს მოუწოდა, გამოიჩინონ პრინციპულობა, რათა არ მოხდეს აჭარის ტელევიზიის სარედაქციო პოლიტიკაში ჩარევა. მრჩეველთა საბჭოს წევრების კი თხოვენ მათი მომავალი გეგმების შესახებ განცხადება გააკეთონ, აპირებენ თუ არა ისინი ვადის ამოწურვის შემდეგ აჭარის ტელევიზიაში მუშაობას.

„ცდილობენ, რომ მათთვის სასურველი კადრი დანიშნონ. ჩვენ გვაქვს ინფორმაცია, რომ დირექტორის გადაყენების შემდეგ სასურველი კანდიდატის დანიშვნის შემთხვევაში შეთავაზება მიიღეს აჭარის ტელევიზიაში, მრჩეველთა საბჭოს ზოგიერთ წევრს შესთავაზეს გარკვეული თანამდებობები. სწორედ ამიტომ ჩვენ მოვითხოვთ, რომ მრჩეველთა საბჭოს თითოეულმა წევრმა გააკეთოს განცხადება ვადის ამოწურვის შემდგომ ან მანამდე, გეგმავენ თუ არა რომელიმე თანამდებობის დაკავებას ტელევიზიაში“, – განაცხადა აჭარის უმაღლესი საბჭოს ფრაქცია „ერთიანი ნაციონალური მოძრაობის“ წევრმა გია აბულაძემ.

აჭარის უმაღლესი საბჭოს თავმჯდომარე ბრალდებებს უარყოფს და ოპონენტებს ბრალდებების დასაბუთებისკენ მოუწოდებს.

„მუდმივად მესმოდა, რომ შერჩეულია პიროვნება, რომელიც შეიძლება იყოს დირექტორი და მან საერთოდ ვერ აიღო ხმა. არ ჯდება ლოგიკაში. ენას ძვალი არ აქვს, მაგრამ ამ ყველაფერს ლოგიკური დასაბუთება უნდა ჰქონდეს“, – განაცხადა აჭარის ავტონომიური რესპუბლიკის უმაღლესი საბჭოს თავმჯდომარემ დავით გაბაიძემ.

region
: region ივნისი 6, 2019 16:34

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


13,416
ვიზიტორი
დღეში
Powered By Google Analytics