ხილიანზე კერძო საცხოვრებელი სახლი იწვის. არსებული ინფრომაციით, ცეცხლი საცხოვრებელი სახლის სახურავზე გაჩნდა.როგორც საგანგებო სიტუაციების მართვის სამსახურში აცხადებენ, ადგილზე 4 ერთეული სახანძრო-სამაშველო ტექნიკაა მობილიზებული და ხანძრის სალიკვიდაციო სამუშაოები აქტიურად მიმდინარეობს. ცეცხლი უკვე ლოკალიზებულია.
უწყება ამ ეტაპზე დაშავებულთა შესახებ ინფორმაციას არ ფლობს. ხანძარი მჭიდროდ დასახლებულ ადგილზეა, რის გამოც მიმდებარე სახლები მოსახლეობამ უსაფრთხოების მიზნით უკვე დატოვა.