“ყვავილები ერთგვარი ხიდია ჩაკეტილ სივრცესა და თავისუფლებას შორის”, – ამ შინაარსის წერილით აღწერს “თაიმერის” დამფუძნებელი, ჟურნალისტი, ბერდია კალანდია გეგუთის პენიტენციური დაწესებულების მსჯავრდებულების მიერ, პატრიარქისთვის სიმბოლურად თეთრი ვარდების თაიგულის გაგზავნას.
“სოციალურ ქსელში გავრცელებულ ამ ფოტოზე, აღბეჭდილია მძიმე და ემოციური ფაქტი. ყვავილების თაიგული, რომელიც გეგუთის ციხის მსჯავრდებულებმა პატრიარქისთვის პატივის მიგების მიზნით, დამშვიდობების სიმბოლური ჟესტის სახით გააგზავნეს სამებაში, ილია მეორის დაკრძალვის ცერემონიალზე.
ამ ჟესტს განსაკუთრებული დატვირთვაც აქვს, რადგანაც იზოლაციისა და რთული ყოფის მიუხედავად, პატიმრებმა შეძლეს პატივი მიეგოთ სულიერი ლიდერისთვის, რომელიც მრავალი ადამიანისთვის რწმენისა და იმედის წყარო იყო.
ამ კონტექსტში, ყვავილები, მხოლოდ სამძიმრის გამოთქმა და პატრიარქის მიმართ პატივისცემის გამოხატვა არ არის. ისინი ერთგვარი ხიდია ჩაკეტილ სივრცესა და თავისუფლებას შორის, ადამიანურ თანაგრძნობასა და საერთო ეროვნულ ტკივილს შორის. ეს ფოტო გვახსენებს, რომ სულიერი ერთობა ფიზიკურ საზღვრებს არ ემორჩილება და საერთო ღირებულებები ადამიანებს ერთმანეთთან აკავშირებს, მიუხედავად მათი მდგომარეობისა”, – წერს ბერდია კალანდია.
