„ხელისუფლების ყველა შტო პუტინის დასაცავად დაირაზმა… დღეს ქვეყანას ნიღაბჩამოხსნილი პროპუტინისტური რეჟიმი მართავს“ – ბაჩუკი ქარდავა

თაიმერი timer.ge
ავტ.: თაიმერი timer.ge ივლისი 8, 2019 11:54

„ხელისუფლების ყველა შტო პუტინის დასაცავად დაირაზმა… დღეს ქვეყანას ნიღაბჩამოხსნილი პროპუტინისტური რეჟიმი მართავს“ – ბაჩუკი ქარდავა

ჟურნალისტ გიორგი გაბუნიას განცხადებას ჟურნა;ოსტური ეთიკის დარღვევას უწოდებს, თუმცა ამავდროულად ხელისუფლების პრორუსულობაზე საუბრობს ედპ-ს ლიდერი.
„კი ბატონო, შევთანხმდეთ, გაბუნიამ ეთიკის ნორმები დაარღვია და მის განცხადებაში გადაამლაშა, რითაც ჟურნალისტური სტანდარტი დაარღვია და რას ველოდით გაბუნიას ამ განცხადებების შემდეგ, რა რეაქცია იქნებოდა კრემლში? რეაქცია იყო შესაბამისი და დაუყოვნებლივ მოხდა მობილიზება, ხელისუფლების მხარდამჭერი რესურსების მობილიზება, „რუსთავი2“-თან.

ის კიდევ უფრო დიდი სისულელეა, რომ გაბუნიას გამო ვინმე ომს დაიწყებს, მაგრამ ამ ყველაფერში კატასტროფულად ამაზრზენი აღმოჩნდა ის, რომ ფაქტობრივად დღეს ქვეყანას მართავს, მკაფიოდ ჩამოყალიბებული, ნიღაბჩამოხსნილი, პროპუტინისტური რეჟიმი. ჩვენ გავხდით მოწმე იმისა თუ როგორ დაირაზმა ხელისუფლების ყველა შტო პუტინის დასაცავად და დააორგანიზა სწორედ ამ გემოვნების ინტერეს ჯგუფები და მიუქსია დამოუკიდებელ ტელეკომპანიას! გადაჭარბების გარეშე ვიტყვი, 28 წლის შემდეგ საქართველოს დამოუკიდებლობაა სასწორზე შეგდებული“ -განაცხადა ბაჩუკი ქარდავამ.

თაიმერი timer.ge
ავტ.: თაიმერი timer.ge ივლისი 8, 2019 11:54

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


7,150
ვიზიტორი
დღეში
Powered By Google Analytics