ხელისუფლებას გააჩნია მედიის კონტროლის ინტერესი და ხელისუფლებას გააჩნია კორუფციისადმი მიდრეკილება

timer.ge თაიმერი
: timer.ge თაიმერი სექტემბერი 14, 2018 17:05

ხელისუფლებას გააჩნია მედიის კონტროლის ინტერესი და ხელისუფლებას გააჩნია კორუფციისადმი მიდრეკილება

მნიშვნელოვანი

  • „ჩვენ გვაქვს მოცემულობა, სადაც ხელისუფლებას გააჩნია მედიის კონტროლის ინტერესი და ხელისუფლებას გააჩნია კორუფციისადმი მიდრეკილება,“ - ეს განცხადება, „ევროპული საქართველოს" პრეზიდენტობის კანდიდატმა, დავით ბაქრაძემ „იბერიას“ საქმეზე გავრცელებული მორიგი სკანდალური აუდიოჩანაწერის შეფასებისას გააკეთა.

სხვა სტატიები

„ჩვენ გვაქვს მოცემულობა, სადაც ხელისუფლებას გააჩნია მედიის კონტროლის ინტერესი და ხელისუფლებას გააჩნია კორუფციისადმი მიდრეკილება,“ – ეს განცხადება, „ევროპული საქართველოს” პრეზიდენტობის კანდიდატმა, დავით ბაქრაძემ „იბერიას“ საქმეზე გავრცელებული მორიგი სკანდალური აუდიოჩანაწერის შეფასებისას გააკეთა.

დავით ბაქრაძის თქმით, სასწრაფოდ უნდა დაიწყოს გამოძიება იმ აუდიოჩანაწერების საფუძველზე, სადაც „იბერიას“ საქმეზე არაერთი გავლენიანი პირის გვარი ფიგურირებს, მათ შორის, ყოფილი ვიცე-პრემიერის, დიმიტრი ქუმსიშვილის და სახელმწიფო დაცვის სპეციალური სამსახურის უფროსის, ანზორ ჩუბინიძის.

„ეს ჩანაწერი აღძრავს ძალიან საფუძვლიან კითხვის ნიშნებს და ეჭვებს და ეს არის ძალიან მაღალი საზოგადოებრივი და პოლიტიკური ინტერესების მატარებელი საქმე და ამიტომ აუცილებელია, ჩატარდეს სრულფასოვანი გამოძიება ამ ჩანაწერებზე. ოღონდ გამოძიება არა უჩა მამაცაშვილის მიმართვის საფუძველზე, როგორც ამას დღეს აკეთებს პროკურატურა, არამედ სწორედ ჩანაწერებთან დაკავშირებით დაიწყოს გამოძიება და ვფიქრობ, ეს არის ის თემა, რომელშიც თავის სიტყვა უნდა თქვას პარლამენტმა,“ – განაცხადა დავით ბაქრაძემ.

იბერიას საქმეზე მორიგი აუდიოჩანაწერი „კურიერმა“ მოიპოვა. ჩანაწერში ჩუბინიძე და ქუმსიშვილი ფიგურირებენ. აუდიოჩანაწერიდან ირკვევა, რომ ტელეკომპანიის მფლობელებს პრობლემების მოგვარებისთვის სთავაზობენ, რომ ბიძინა ივანიშვილის გარემოცვას სამი მილიონი მისცენ.

timer.ge თაიმერი
: timer.ge თაიმერი სექტემბერი 14, 2018 17:05

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,698
ვიზიტორი
დღეში
Powered By Google Analytics