„დიდი უგუნურებაა საზოგადოებისგან ფარულად კითხვარის შევსება, მაგრამ უარესია, რომ ხელისუფლებას არ აქვს ნება შეცვალოს არსებული ვითარება, რაც ამ პროცესს რეალურ პერსეპქტივას უკარგავს.“ – ამის შესახებ „ევროპული საქართველოს“ პოლიტსაბჭოს თავმდჯომარემ, გიგი წერეთელმა ჟურნალისტებს განუცხადა.
„მე ვფიქრობ, რომ დიდი უგუნურებაა საზოგადოებას დაუმალო თუ რა პასუხებს გზავნი იმ კითხვებზე, რომელიც ევროკავშირს აქვს. მითუმეტეს მაშინ, როდესაც ეს არის სწორედ საქართველოს მოსახლეობის ძალიან დიდი ნაწილის სურვილი და გადაწყვეტილება. როდესაც ვსაუბრობთ პროცესზე, რომელიც ისედაც ძალიან რთული და დროში განგრძობადია, მითუმეტეს ამ ხელისუფლების პირობებში სამწუხაროდ ეს ყველაფერი დარჩება ფუჭ ქმედებად, რომელსაც სასურველი შედეგი არ მოყვება, რადგან ხელისუფლება ვერ გრძნობს ვალდებულებას და არ აქვს პოლიტიკური ნება შეცვალოს არსებული ვითარება ქვეყანაში – განახორციელოს სამართლიანი საარჩევნო რეფორმა, შექმნას თავისუფალი სასამართლო, ხელი შეუწყოს პოლიტიკური პროცესის ნორმალიზებას და არ დევნიდეს პოლიტიკურ ოპონენტებს, ადამიანის უფლებები იყოს დაცული.“ – გიგი წერეთელი
