ევროპული საქართველოს წევრი ელენე ხოშტარია აზერბაიჯანელი ჟურნალისტის აფგან მუხტარლის საქმის გამოძიებასთან დაკავშირებით აცხადებს, რომ ხელისუფლება ამ სკანდალის გამო პასუხისმგებლობას არ იღებს.
„ერთი წელია გასული მას შემდეგ, რაც ჩვენი ქალაქიდან გაუჩინარდა ადამიანი და აღმოჩნდა სხვა ქვეყანაში. ჩვენ რა თქმა უნდა მივუბრუნდებით საგამოძიებო კომისიის საკითხს, იმიტომ, რომ არ არსებობს არგუმენტი რატომ არ უნდა შეიქმნას საგამოძიებო კომისია, თუმცა ძალიან კარგად ჩანს, რომ ხელისუფლება ასეთი სერიოზულ სკანდალის გარშემო, არანაირ პასუხისმგებლობას არ იღებს“- აცხადებს ელენე ხოშტარია.