ხაზარაძე: წარმოუდგენელი იქნება, პარლამენტის სესიებში მონაწილეობა, თუ მელია და რურუა, არ იქნებიან გათავისუფლებული

„ლელო საქართველოსთვის“ ლიდერის მამუკა ხაზარაძის განცხადებით, „ლელოსთვის“ წარმოუდგენელი იქნება, მიიღოს პარლამენტის სესიებში მონაწილეობა, თუ ნიკა მელია და გიორგი რურუა არ გათავისუფლდებიან.

მისივე თქმით, პოლიტიკური კრიზისის განმუხტვაში თავისი წვლილი უნდა შეიტანოს პროკურატურამ, სასამართლომაც და ყველა უწყებამ, რათა ქვეყანა გადაიტვირთოს.

„პრეზიდენტ მიშელთან შეხვედრაზე, მას „ლელოს“ სახელით ვუთხარი, რომ „ლელოსთვის“ წარმოუდგენელი იქნება, მიიღოს პარლამენტის სესიებში მონაწილეობა, თუ ორი ადამიანი, რომლებიც იყვნენ შეთანხმების საგანი, იყვნენ შეთანხმების პუნქტებში – მელია და რურუა, არ იქნებიან გათავისუფლებული.

ჩვენ ვიცით, რომ ერთის შემთხვევაში აუცილებელია პრეზიდენტის ჩართულობა, რაც ჩვენ მოვისმინეთ და მივესალმებით, იმედია, ეს განხორციელდება. ასევე, ხაზი გავუსვი იმას, რომ როდესაც ქვეყანაში არის ასეთი პოლიტიკური კრიზისი, ეს არ არის მარტო პოლიტიკური პარტიების გადასაწყვეტი, რადგან პოლიტიკური კრიზისის განმუხტვაში, თავისი წვლილი უნდა შეიტანოს პროკურატურამაც, სასამართლომაც და ყველა უწყებამ, რომ ქვეყანა გადაიტვირთოს.

მე ძალიან მკაფიოდ დავუფიქსირე მას ჩემი პარტიის პოზიცია და შესაბამისად, ველოდებით, რომ ეს საკითხი იქნება გადაწყვეტილი. თუ ეს საკითხი არ გადაწყდება, მე ვერ ვხედავ ამ ხელშეკრულების სრულად შესრულების მექანიზმს. პირდაპირ ვუთხარი, რომ მე, როგორც ქართველს, ძალიან შემრცხვება, რომ პრეზიდენტი მიშელი კიდევ ერთხელ ჩამოვიდეს საქართველოში. აქამდეც მრცხვენოდა, რომ 6 თვე დასჭირდა იმ საკითხების შეთანხმებას, რაც ქვეყნისთვის და ჩვენი მოქალაქეებისთვის არის საჭირო. იმედი მაქვს, რომ ყველა ძალიან ყურადღებით და პასუხისმგებლობით მოეკიდება ამ საკითხებს, შესაბამისად, იმედი მაქვს, რომ ეს საკითხი გადაწყდება“, – განაცხადა მამუკა ხაზარაძემ პარლამენტში ევროპული საბჭოს პრეზიდენტ შარლ მიშელთან გამართული შეხვედრის შემდეგ.

რეკლამის ბანერი
წინა სტატიაშიბაქრაძე: პარლამენტში სრულფასოვნად დავბრუნდები, როცა პოლიტპატიმრებს გაათავისუფლებენ
შემდეგი სტატიამეგრელიშვილი: მელიას ჰქონდა შანსი დაესრულებინა დაპირისპირება, რაზეც უარი თქვა