ხატია დეკანოიძე აცხადებს, რომ უკრაინაში ოპოზიცია ცალკე გაემგზავრება

„ნაციონალური მოძრაობის“ წევრის, ხატია დეკანოიძის განცხადებით, უკრაინაში ოპოზიცია და პარლამენტის თავმჯდომარე, შალვა პაპუაშვილი ცალ-ცალკე გაემგზავრებიან.

„დავაფიქსირე ჩემი პოზიცია, რომელიც არის ჩვენი ფრაქციის პოზიცია, ჩემი პარტიის პოზიცია. კარგია, თუ შალვა პაპუაშვილი მიემგზავრება უკრაინაში, რაც ჩვენ მოვისმინეთ მისი განცხადებიდან და კიდევ ერთხელ დაადასტურა, მაგრამ ეს არ იქნება ერთობლივი ვიზიტი. ოპოზიცია წავა ცალკე, ხოლო პარლამენტის თავმჯდომარე – ცალკე. ეს იყო ჩემი პოზიცია, რაც ყველა ოპოზიციურ პარტიას, მათ შორის უმრავლესობას ვუთხარი“, – განაცხადა ხატია დეკანოიძემ.

კითხვაზე, რა იყო ამ გადაწყვეტილების, მიზეზი, ხატია დეკანოიძემ აღნიშნა, რომ საკითხთან დაკავშირებით აზრთა სხვადასხვაობა იყო.

„სხვადასხვა აზრი იყო. ეს არის ჩემი პოზიცია და როგორც აღმოჩნდა, ეს პოზიცია არის საბოლოოდ, რომელიც დაფიქსირდება. ანუ, ჩვენ, ოპოზიცია წავალთ ცალკე, როგორც თავიდან იყო, ხოლო უმრავლესობა, პარლამენტის თავმჯდომარე წავა ცალკე. „ქართული ოცნების“ მხრიდან იყო ასე ვთქვათ, გარკვეული შემოთავაზებები, მაგრამ სამწუხაროდ, ასეთი შემოთავაზებები – ალოგიკური, ვაჭრობასავით არ შეიძლება, უკრაინას დაუკავშირო. ამიტომ ჩემი, ჩვენი პოზიცია იყო ძალიან მყარი“, – განაცხადა ხატია დეკანოიძემ.

წინა სტატიაშიICC-ის მთავარი პროკურორი უკრაინის გენპროკურორს კიევში შეხვდა
შემდეგი სტატიასაქართველოს პარლამენტიდან უკრაინაში ორი დელეგაცია გაემგზავრება