ვფიქრობ, გიგლა აგულაშვილის გადაწყვეტილება არის შეცდომა, – ასე შეაფასა “რესპუბლიკური პარტიის” თავმჯდომარემ ხათუნა სამნიძემ გარემოსა და ბუნებრივი რესურსების დაცვის მინისტრის გადაწყვეტილება, დატოვოს “რესპუბლიკური პარტია” და შეინარჩუნოს მინისტრის პოსტი.
“მე ვფიქრობ, თქვენ მოისმენთ მისგან არგუმენტებს და ის განმარტავს, რატომ მიიღო ეს გადაწყვეტილება. მე ვფიქრობ, მისი გადაწყვეტილება არის შეცდომა. ყველა „რესპუბლიკელი“ ერთად შევდივართ საარჩევნო კამპანიაში და ძალიან გულდასაწყვეტია, რომ გიგლამ ასეთი გადაწყვეტილება მიიღო”,- განაცხადა ხათუნა სამნიძემ.
