ხაშურის მუნიციპალიტეტში შეიქმნა „ქართული ენის სიწმინდის დაცვის“ სამუშაო ჯგუფი,– ინფორმაციას”ოცნებიდან საკრებულოს” წევრის, მარინე დიდებულიძის მიერ მომზადებულ ანგარიშზე დაყრდნობით “ქართლის ამბები” ავრცელებს.
როგორც გამოცემა წერს, საკრებულოს წევრმა აღნშნული დოკუმენტი კოლეგებს დღეს წარუდგინა.
ანგარიშის მიხედვით, დეპუტატი ხაშურის მუნიციპალიტეტში ქართული ენის სიწმინდის დაცვის მიზნით შექმნილი სამუშაო ჯგუფის საქმიანობაში აქტიურად არის ჩართული.
გამოცემა საკრებულოს აპარატში განუცხადეს, რომ აღნიშნული სახელწოდების სამუშაო ჯგუფი სწორედ ხაშურის მერიაშია შექმნილი, თუმცა, ამ ეტაპზე მერიის ოფიციალურ ვებგვერდზე ინფორმაცია არ იძებნება.
