ხარკოვში, რუსმა ოკუპანტებმა საავადმყოფოს შენობა და საცხოვრებელი კორპუსები დაბომბეს. ინფორმაციას უკრაინის საგანგებო სიტუაციების მართვის სამსახური ავრცელებს.
“30 აპრილს, მტერმა ცეცხლი გაუხსნა ხარკოვში, ნემიშლიანის რაიონის საცხოვრებელ უბანს. მტრის თავდასხმის შედეგად ორი 9-სართულიანი კორპუსი დაიწვა. ერთ-ერთ ბინაში კაცი დაშავდა. ის სამედიცინო ჯგუფმა ქალაქის საავადმყოფოში გადაიყვანა.
გარდა ამისა, დაზიანდა ხარკოვის ერთ-ერთი სამედიცინო დაწესებულების შენობა. დაბომბვის შედეგად ნაწრილობრივ განადგურდა ჰოსპიტალის ბეტონის კონსტრუქციები და ფანჯრები. მე-5 სართულზე გაჩნდა ხანძარი, თუმცა მაშველებმა მისი ჩაქრობა ოპერატიულად შეძლეს. საბედნიეროდ, სამედიცინო დაწესებულების შენობაში მსხვერპლი არ არის”, – ნათქვამია უკრაინის საგანგებო სიტუაციების მართვის სამსახურის განცხადებაში.