ხარკოვში რამდენიმე უბანი ცეცხლის ქვეშაა, მოსახლეობას სთხოვენ, გარეთ არ გავიდნენ, – ამის შესახებ ინფორმაციას უკრაინული მედია ავრცელებს.
„ხარკოვში 602-ე მიკრორაიონში და სოფელ ჟუკოვსკიში საცხოვრებელი უბნების დაბომბვა გრძელდება. რუსი სამხედროები ასევე, ბომბავენ ბიოტექნოლოგიების ტერიტორიას – იქ ფართომასშტაბიანი ხანძარი გაჩნდა. რეგიონის სამოქალაქო დაცვის დეპარტამენტი მოქალაქეებს სთხოვს, დარჩნენ თავშესაფრებში მთელი დღის განმავლობაში და არ გავიდნენ გარეთ, თუნდაც საჰაერო განგაშის არარსებობის შემთხვევაში“, – ნათქვამია განცხადებაში.
ცნობისთვის, ბოლო 24 საათის განმავლობაში ქალაქი და რეგიონის ზოგიერთი რაიონი 53-ჯერ დაბომბეს, რის შედეგადაც შვიდი ადამიანი დაიღუპა.