გარემოს ეროვნული სააგენტოს ინფორმაციით, უახლოეს დღეებში საქართველოში, შედარებითი სითბოს ფონზე, ცალკეულ რაიონში ხანმოკლე წვიმა და ელჭექია მოსალოდნელი.
აი, როგორი ამინდი იქნება ქვეყნის სხვადასხვა რეგიონში 2-დან 4 ივნისის ჩათვლით:
თბილისი: საღამოს საათებში მოსალოდნელია მცირე ხანმოკლე წვიმა ელჭექით. ჰაერის ტემპერატურა დღისით +23, +25 გრადუსი დაფიქსირდება.
ქართლი (რუსთავი, ბოლნისი, გორი და სხვა): ზოგან მოსალოდნელია ხანმოკლე წვიმა და ელჭექი. ტემპერატურა: +21, +26 გრადუსი.
კახეთი (თელავი, სიღნაღი, ლაგოდეხი და სხვა): მოსალოდნელია ხანმოკლე წვიმა და ელჭექი. ტემპერატურა: +20, +25 გრადუსი.
სანაპირო რაიონები (ბათუმი, ქობულეთი, ფოთი, ანაკლია): 2 ივნისს მოსალოდნელია წვიმა და ელჭექი, თუმცა მომდევნო დღეებში გამოიდარებს და დათბება. ტემპერატურა: +20, +25 გრადუსი.
დაბლობი რაიონები (ქუთაისი, ზუგდიდი, ოზურგეთი, ზესტაფონი): 2 ივნისს წვიმისა და ელჭექის შემდეგ გამოიდარებს და საგრძნობლად დათბება. ჰაერის ტემპერატურა დღისით +24, +29 გრადუსს მიაღწევს.
დასავლეთის მთიანეთი და მაღალმთიანეთი (ამბროლაური, ონი, მესტია, ბახმარო): ზოგან მოსალოდნელია ხანმოკლე წვიმა და ელჭექი. მთიან რაიონებში ტემპერატურა +19, +24 გრადუსი იქნება, ხოლო მაღალმთაში (მესტია, ბახმარო) — +14, +19 გრადუსი.
აღმოსავლეთის მთიანეთი და მაღალმთიანეთი (ახალციხე, ბორჯომი, ბაკურიანი, გუდაური): მთიან ზონაში ზოგან ხანმოკლე წვიმა და ელჭექია მოსალოდნელი (+18, +23 გრადუსი), ხოლო მაღალმთაში — ხანმოკლე წვიმა (+12, +17 გრადუსი).
