უბედური შემთხვევა საბერიოში. გამთენიისას ჭოლარიების ოჯახში ტრაგედია დატრიალდა. ხანძრის შედეგად ხუთი მცირეწლოვანი ბავშვი ცოცხლად დაიწვა.
გავრცელებული ინფორმაციით, ბებიამ შეშის ღუმელში ნავთის ნაცვლად ბენზინი ჩაასხა,რამაც ძლიერი აალება გამოიწვია. ბავშვები, საქართველოს კონტროლირებად ტერიტორიაზე, წყოუშის ბაღში დადიოდნენ.
მშობლები სახლში არ იმყოფებოდნენ. “თაიმერის” წყაროს ინფორმაციით, “მშობლებმა ენგურის ხიდი დილაუთენია გადაკვეთეს, რადგან მათ ზუგდიდში პირადი საქმე ჰქონდათ”. ყველაზე პატარა ოთხი თვის იყო. “თაიმერი” მწუხარებას გამოთქვამს და სამძიმარს უცხადებს განსვენებულის ოჯახს.
ავტორი: ბერდია კალანდია
