ბორჯომში, ხანძრის კერასთან ახლოს კასრები იპოვეს.
ადგილობრივების განმარტებით, კასრებში არსებული მასალა ერთ-ერთ ადგილობრივს საფლავის მოსაპირკეთებლად სჭირდებოდა.
ამ დროისთვის, უცნობია, რა მასალაა კასრებში განთავსებული. ექსპერტიზის ჩასატარებლად ადგილზე უკვე მივიდნენ ექსპერტ-კრიმინალისტები.
ვერტმფრენებმა სტიქიის ზონაში მუშაობა დილიდან განაახლეს. ინტენსიურ სალიკვიდაციო ღონისძიებებში ჩართულები არიან მეხანძრე-მაშველთა ჯგუფები, სატყეოს თანამშრომლები და შინაგან საქმეთა სამინისტროს დანაყოფები.