ხანძარს რუსთავში ერთი ადამიანის სიცოცხლე ემსხვერპლა. კონსტიტუციის ქუჩის 63 ნომერში ცეცხლი საცხოვრებელი კორპუსის ერთ-ერთ ბინაში გაჩნდა. გარდაცვლილი 50 წლამდე ასაკის ქალია.
წინასწარი ინფორმაციით, ცეცხლი სიგარეტის ნამწვავიდან გაჩნდა. თავდაპირველად საწოლს წაეკიდა და სახლში მყოფი ქალი კვამლის შედეგად გაიგუდა.
ადგილზე მობილიზებული იყო საგანგებო სიტუაციათა სამსახური და სასწრაფო დახმარების ბრიგადა, თუმცა, ქალბატონის გადარჩენა ვერ მოხერხდა.
მომხდართან დაკავშირებით მიმდინარეობს გამოძიება.