ხანძარი თბილისში, კოსტავას 12 ნომერში – ცეცხლი სასტუმროს შენობაში გაჩნდა, გამოცხადებულია ევაკუაცია. ქალაქის ერთ-ერთი ცენტრალური გამზირი ამ წუთებში სრულად გადაკეტილია.
ადგილზე 11 სახანძრო-სამაშველო ბრიგადაა მობილიზებული. ადგილზე იმყოფებიან სასწრაფო დახმარების ბრიგადები და საპატრულო პოლიციის ეკიპაჟები.
სასტუმროს შენობა მთლიანად დაცლილია. რადგან უბანი მჭიდროდ დასახლებულია, სახანძრო-სამაშველო სამსახურის წარმომადგენლებმა სასტუმროს ახლოს მდებარე სახლებიდან მოსახლეობის ევაკუაცია მოახდინეს.
არსებული ინფორმაციით, ცეცხლი ამ დროისთვის ლოკალიზებულია, თუმცა მისი სალიკვიდაციო სამუშაოები გრძელდება.
