კალიფორნიაში, სადაც 16 აქტიური ხანძარი მძვინვარებს, კინოკომპანია Paramount Pictures-ის რანჩო დაიწვა. რანჩოზე ძალიან ბევრი ფილმი და სერიალია გადაღებული, მათ შორის, “ველური დასავლეთის სამყარო”. აქვეა გადაიღებული ფილმები “სახლი ტბასთან”, სერიალები “მენტალისტი” და “დოქტორ ქვინი, ქალი-ექიმი”. 1950 წლამდე რანჩოში საავტომობილო რბოლები იმართებოდა, რომელიც 1957 წლის ფილმში The Devil’s Hairpin-ია ნაჩვენები – წერს “ბიბისი”.
კალიფორნიაში ცეცხლის შედეგად მინიმუმ 9 ადამიანი დაიღუპა, 250 ათასზე მეტი ევაკუირებულია. ცეცხლმა თითქმის სრულად გაანადგურა ქალაქი პარადაისი, სადაც 35 ადამიანია დაკარგული.
სულ ცეცხლი 14 ათას ჰექტარზე გავრცელდა. შტატში საფრთხის წითელი დონეა გამოცხადებული.