წარმოუდგენელია იმ პოლიტიკოსების განცხადებები, რომლებიც ამბობენ, რომ ნომერ პირველი ამოცანა არის არჩევნები და არა ადამიანის სიცოცხლე – აცხადებს “სტრატეგია აღმაშენებლის” ლიდერი გიორგი ვაშაძე და ამბობს, რომ მიზანშეწონილია დაიწყოს მსჯელობა, 2021 წლის თვითმმართველობის არჩევნების გადადებაზე.
“ჩვენ მზად ვართ და აქტიურად ვემზადებით არჩევნებისთვის, მაგრამ არჩევნების 2-3 კვირით გადადება, ან ამაზე მსჯელობა, არ არის იმის საპირწონე, რომ ადამიანების სიცოცხლე შევწიროთ და ჯიუტად ვამტკიცოთ და ვაჩვენოთ ხალხს -აი, რა მაგრები ვართ და ხელი გავიშვიროთ სხვისკენ. მეგობრებო ხალხის სიცოცხლე არის გადასარჩენი”,- ამბობს გიორგი ვაშაძე.