ხალხის ხოცვა უნდა დასრულდეს! – ამ სლოგანით აქცია, სამოქალაქო საზოგადოების ორგანიზებით, პარლამენტთან გაიმართა. პროტესტი მშენებლობებზე გახშირებულ უბედურ შემთხვევებს უკავშირდება.
აქციის მონაწილეები შრომის უსაფრთხოების კანონის სასწრაფოდ მიღებას ითხოვენ, რომლის განხილვაც პარლამენტმა რამდენიმე თვით გადადო.
„საქართველოს პარლამენტმა, რომელმაც რამდენიმე ხნის წინ უარი განაცხადა შრომის უსაფრთხოების კანონპროექტის განხილვაზე, უნდა აიღოს რეალურად პასუხისმგებლობა იმ მავნებლობაზე და იმ ტრაგედიებზე, რაც ხდება ჩვენს ქვეყანაში,“ – განაცხადა აქციის მონაწილემ, ლაშა მესხმა.
