“ნაციონალური მოძრაობის” წევრის, დეპუტატ ლევან ხაბეიშვილის თქმით, პარალმენტის თავმჯდომარემ მიხეილ სააკაშვილის მოსანახულებლად ციხეში შესვლის ნებართვა არ მისცა.
ხაბეიშვილი ამბობს, რომ კახა კუჭავას ამ საკითხზე 2 დღის წინ მიმართა.
“მე როგორც პარლამენტის წევრს აბსოლუტური უფლება მაქვს შეტყობინება გავუგზავნო პარლამენტის თავმჯდომარეს და ის ვალდებულია, რომ ეს გააკეთოს. კი არ ვთხოვ, რომ შემიშვას, მისი ვალდებულბაა, რომ მივწერ, დაადასტუროს, მაგრამ ეს არ გააკეთა. რაღაც პოლიტიკური გადაწყვეტილება აქვთ სავარაუდოდ მიღებლი შეაჩერეს ეს კონკრეტული ბრძანების გამოცემა და მე ვიცი, რომ ჩემ კოლეგა კობა ნაყოფიასაც არ მისცეს შესაძლებლობა, მისი ბრძანება გამოცემულიყო, შემდეგ გააუქმეს საერთოდ”, – თქვა ლევან ხაბეიშვილმა.
