ყაბარდო-ბალყარეთში, ბეზენგის ხეობაში ზვავში მოყოლილი ჯგუფის ბოლო, მე-17 წევრის ცხედარიც იპოვეს.
რუსული მედიის ცნობით, რესპუბლიკის საგანგებო სიტუაციების სამინისტროს წარმომადგენელმა განაცხადა, რომ 6 სექტემბრიდან მიმდინარე სამძებრო-სამაშველო სამუშაოები ოფიციალურად დასრულდა.
6 სექტემბერს, მიჟირგის მთიდან ზვავი ჩამოწვა და ბეზენგის ხეობაში ფერდობზე 33 მთამსვლელისგან შემდგარი ჯგუფი მოიყოლა. 9 სექტემბრის შუადღისთვის მაშველებმა 14 მთამსვლელის ცხედარი იპოვეს, მომდევნო დღეებში კიდევ ორის, დღეს კი ბოლო, მე-17 ცხედარიც ამოასვენეს.
დამოუკიდებელი რუსულენოვანი გამოცემა Meduza-ს ცნობით, დაღუპულებს შორის არიან რუსეთის ეროვნული გვარდიის წევრები, რომლებიც სამთო- საწვრთნელ ბანაკში იმყოფებოდნენ.
