საქართველოს უზენაეს სასამართლოში უზენაესი სასამართლოს თავმჯდომარეს, ნინო ქადაგიძესა და საქართველოში ამერიკის შეერთებული შტატების საგანგებო და სრულუფლებიან ელჩს, კელი დეგნანს შორის გაცნობითი ხასიათის შეხვედრა გაიმართა, ამის შესახებ ინფორმაციას უზენაესი სასამართლო ავრცელებს.
მათი ინფორმაციით, ელჩმა შეხვედრის ფარგლებში უზენაესი სასამართლოს ისტორიული შენობა და მართლმსაჯულების მუზეუმი დაათვალიერა.