საქართველოში აშშ-ის ელჩი კელი დეგნანი ცხინვალის საოკუპაციო რეჟიმის მიერ გუშინ გავრცელებულ განცხადებას საზოგადოების შეცდომაში შეყვანის სუსტ მცდელობას უწოდებს.
ამის შესახებ ელჩმა დღეს ჟურნალისტებს განუცხადა, რომლებმაც კელი დეგნანს ოკუპირებული ცხინვალის ე.წ. უსაფრთხოების სამსახურის მიერ გავრცელებულ ინფორმაციასთან დაკავშირებით დაუსვეს კითხვა.
„ეს არის კიდევ ერთი სუსტი მცდელობა, რომ საზოგადოება შეცდომაში შეიყვანონ და ძირი გამოუთხარონ ნდობას, რაც ქართველებს აქვთ ლუგარის ცენტრისა და დაავადებათა კონტროლის ცენტრში მომუშავე ქართველების საქმიანობის მიმართ“, – განაცხადა კელი დეგნანმა.
ელჩის შეფასებით, დაავადებთა კონტროლისა და ლუგარის ცენტრებით ქართველებს შეუძლიათ, იამაყონ.
