კელი დეგნანი: აშშ მოხარულია, რომ შეძლო კორონავირუსის საწინააღმდეგო „ფაიზერის“ ვაქცინის ხუთასი ათასი დოზის გადმოცემა

gulis eleqsiri

მოხარულები ვართ, რომ ვხედავთ, ამდენი ქართველი მოდის ვაქცინაციისთვის. ეს ძალიან მნიშვნელოვანია, განსაკუთრებით ახლა, როდესაც საქართველოში გამოვლინდა დელტა ვარიანტი და ინფიცირების მაჩვენებელი იზრდება, – ამის შესახებ საქართველოში აშშ-ის ელჩმა კელი დეგნანმა განაცხადა, რომელიც ჯანდაცვის მინისტრ ეკატერინე ტიკარაძესთან ერთად თბილისის რესპუბლიკურ საავადმყოფოში ვაქცინაციის პროცესს გაეცნო.

მისივე თქმით, აშშ მოხარულია, რომ საქართველოსთვის კორონავირუსის საწინააღმდეგო „ფაიზერის“ ვაქცინის ხუთასი ათასი დოზის გადმოცემა შეძლო.

ელჩმა მოქალაქეებს მოუწოდა, აიცრან და აღნიშნა, რომ სწორედ ვაქცინაცია არის გზა პანდემიის დასამარცხებლად.

„შესანიშნავია, რომ მოვედი აქ, ცენტრალურ რესპუბლიკურ საავადმყოფოში და ვნახე ამდენი ქართველი, რომელიც აცრას იკეთებს. აშშ მოხარულია, რომ შეძლო კორონავირუსის საწინააღმდეგო „ფაიზერის“ ვაქცინის ხუთასი ათასი დოზის გადმოცემა და ჩვენ ნამდვილად მოხარულები ვართ, რომ ვხედავთ, ამდენი ქართველი მოდის რეგისტრაციასა და ვაქცინაციაზე.

ეს არის ძალიან მნიშვნელოვანი, განსაკუთრებით ახლა, როდესაც ვხედავთ, რომ აქ, საქართველოში გამოვლინდა დელტა ვარიანტი და ინფიცირების მაჩვენებელი იზრდება. ვაქცინაცია საუკეთესო გზაა პანდემიისგან საკუთარი თავის, საყვარელი ადამიანებისა და ეკონომიკის დასაცავად. კიდევ ერთხელ მოვუწოდებ ხალხს – გთხოვთ, აიცერით, ძალიან მნიშვნელოვანია ვაქცინის გაკეთება. აშშ ეხმარება საქართველოს პანდემიის დაწყებიდან და ჩვენ გვსურს, დაგეხმარით ამ ფაზაშიც, ვაქცინაციის ფაზაში. ეს არის ის, რაც ნამდვილად დაამარცხებს პანდემიას. ეს უსაფრთხო და ეფექტიანი ვაქცინაა. აიცერით!“, – განაცხადა კელი დეგნანმა.

წინა სტატიაშიმედიის თავისუფლება არის უკიდურესად მნიშვნელოვანი ასპექტი დემოკრატიულ საქართველოში
შემდეგი სტატიადეკანოზი თამაზ ლომიძე-ღმერთმა წყალობა მოგვივლინა ვაქცინის, აცრის სახით და არის ხალხი, ვინც ამაზე უარს ამბობს