სოხუმის კუბანის კაზაკების ნაწილის ატამანი, ვლადიმირ მოსკალენკო და ვალერი ჯუმიადი ხევში გადავარდნენ და დაიღუპნენ – ამის შესახებ ე.წ. აფხაზეთის საგანგებო სიტუაციების მინისტრის მოადგილე ტიგრან დელიბატიანი ავრცელებს ინფორმაციას.
“მომხდარის შესახებ წუხელ მივიღეთ ინფორმაცია. ჩვენი ჯგუფი მაშინათვე გაემგზავრა შემთხვევის ადგილას, სადაც ორი გვამი აღმოაჩინეს”- განაცხადა დელიბატიანმა. მისი თქმით, მოსკალენკო და ჯუმიადი ფეხით მიდიოდნენ. “მათი მანქანა სხვა ადგილას იდგა. არ გვაქვს სავარაუდო ვერსია, რა შეიძლებოდა მომხდარიყო”. მისი თქმით, აღნიშნული პირები 30-40 მეტრის სიმაღლიდან გადავარდნენ.
“ის ძალიან მშვიდი, წყნარი და სამართლიანი კაცი იყო. მან ბევრი რამე გააკეთა აფხაზეთისთვის. მონაწილეობდა სამამულო ომში” – აღნიშნა დელიბატიანმა.
მოსკალენკო 1992-1993 წლებში აფხაზეთის ომში მონაწილეობდა. ის სხვა ამბოხებულებთან ერთად გუდაუთაში გაემგზავრა, სადაც ლესიკ ცუგბას ხელმძრვანელობით სამხედრო შეიარაღებული რაზმი შექმნა.