კათოლიკე ეკლესია ქრისტეს ბრწყინვალე აღდგომის დღესასწაულს 4 აპრილს აღნიშნავს. დღესასწაულთან დაკავშირებით სააღდგომო ღვთისმსახურება საქართველოში მოქმედ ყველა კათოლიკურ ეკლესიაში ჩატარდება.
თბილისის ქალწული მარიამის ზეცად აღყვანების კათედრალურ ტაძარში საპასექო მსახურება 3 აპრილს, 18:00 საათზე დაიწყება და მას კავკასიის ლათინური წესის კათოლიკეთა სამოციქულო ადმინისტრატორი ეპისკოპოსი ჯუზეპე პაზოტო ჩაატარებს. აღდგომას, 4 აპრილს კი, სააღდგომო დღის წირვა 12:00 საათზე ჩატარდება.
კავკასიის ლათინ-კათოლიკეთა სამოციქულო ადმინისტრაცია ვნების შვიდეულის ლიტურგიათა განრიგს საქართველოში მოქმედი ყველა კათოლიკური სამრევლოსთვის ფეისბუქ გვერდზე აქვეყნებს.
