კატარის საგარეო საქმეთა მინისტრმა მუჰამედ ალ-ატიამ მოსკოვში რუს კოლეგასთან შეხვედრისას სირიის პრეზიდენტი ბასარ ასადი მკაცრად გააკრიტიკა და მას ტერორიზმის ერთ-ერთი დამფუძნებელი უწოდა. “კატარს არ შეუძლია რუსი მეგობრების ბაშარ ასადის კანონიერებასთან დაკავშირებით შეხედულებები გაიზიაროს” – განაცხადა არაბული სახელმწიფოს საგარეო უწყების წარმომადგენელმა.
“რუსეთმა საკუთარ თავზე აიღო რეგიონში ტერორიზმთან ბრძოლა. ჩვენი შეფასებით ბაშარ ასადი და მისი არაადამიანური რეჟიმი ტერორიზმს მხარს უჭერენ და მათი ერთ-ერთი სპონსორია” – განაცხადა ალ-ატიამ.
რუსეთის საგარეო უწყების ხელმძღვანელმა სერგეი ლავროვმა მოლაპაარკებების შემდეგ განაცხადა, რომ ბაშარ ასადისადმი დამოკიდებულება ძირითადი განმასხვავებელი ნიშანია ქვეყნების ტერორიზმთან ბრძოლის ხედვაში ახლო აღმოსავლეთის რეგიონში.
