კარანტინის გამო, ფოთის შემოსასვლელთან მანქანების კოლონა დგას – თბილისის, ბათუმის, ქუთაისის, რუსთავის, ზუგდიდის, ფოთის და გორის შესასვლელებში საკონტროლო გამშვები პუნქტები მოეწყო.
ფოთში ბლოკპოსტზე შემოწმებას, პოლიციასთან ერთად, თავდაცვის სამინისტროს სენაკის სამხედრო ბაზის პირადი შემადგენლობის ჯგუფები ახორციელებენ. განსაკუთრებულად კონტროლდება უცხოეთიდან და მარნეულიდან ჩამოსული ტრაილერები. ამ დროისთვის არცერთი საეჭვო პაციენტი არ არის გამოვლენილი.