კარაკასში, ვენესუელის პრეზიდენტის სასახლის მახლობლად ღამით სროლის ხმა ისმოდა, – ამის შესახებ „სიენენი“ იტყობინება.
ვენესუელის კომუნიკაციებისა და ინფორმაციის სამინისტროში განაცხადეს, რომ პოლიციამ ცეცხლი გაუხსნა დრონებს, რომლებიც „ნებართვის გარეშე დაფრინავდნენ“.
„კონფრონტაცია არ მომხდარა და მთელი ქვეყანა სრულიად მშვიდია“, – აღნიშნულია განცხადებაში.
თეთრი სახლის წარმომადგენელმა „სიენენს“ განუცხადა, რომ ყურადღებით აკვირდებიან ვენესუელაში მიმდინარე სიტუაციას, თუმცა აღნიშნა, რომ აშშ-ს ამ სროლებთან კავშირი არ აქვს.
