კანაფის კულტივაცია/ექსპორტის კონსტიტუციით აკრძალვის მიზნით, გრიგოლ ვაშაძე თანაგუნდელებთან ერთად ხელმოწერების შეგროვებას იწყებს

თაიმერი timer.ge
ავტ.: თაიმერი timer.ge სექტემბერი 21, 2018 10:36

კანაფის კულტივაცია/ექსპორტის კონსტიტუციით აკრძალვის მიზნით, გრიგოლ ვაშაძე თანაგუნდელებთან ერთად ხელმოწერების შეგროვებას იწყებს

კანაფის კულტივაცია/ექსპორტის აკრძალვის შესახებ კონსტიტუციაში ცვლილებების შეტანის მიზნით გრიგოლ ვაშაძე და მისი საარჩევნო შტაბი ხელმოწერების შეგროვებას იწყებს.

გაერთიანებულმა ოპოზიციამ კანონით გათვალისწინებული 200 ათასი ხელმოწერა უნდა შეაგროვოს. ლიდერები დარწმუნებულები არიან, რომ ხელმოწერების მოგროვებას უახლოეს დღეებში შეძლებენ. ისინი ითხოვენ, რომ კანონპროექტი პარლამენტში საერთოდ არ დარეგისტრირდეს და აიკრძალოს კანაფისა და ნარკოტიკების წარმოებისთვის საჭირო სხვა მცენარეების სასოფლო-სამეურნეო კულტურად გამოცხადება.

„არ გაგვიჭირდება, რა თქმა უნდა, 200 ათასი ხელმოწერის შეგროვება რადგან ეს არის საქართველოს მოსახლეობის პოზიცია, რომ ეს ქვეყანა არ უნდა იქცეს მარიხუანას კულტივატორ და ექსპორტიორ ქვეყანად ამაზეა და მოკიდებული ჩვენი ქვეყნისა და ჩვენი შვილების მომავალი.

დღეს, როდესაც პარლამენტის თავმჯდომარე გვეუბნება, რომ დროებით შეჩერებულია ამ კანონპროექტის განხილვა და კონსულტაციების რეჟიმში გადადის, ეს არის უბრალოდ დროის გაწელვის მცდელობა“-ამბობს ზაალ უდუმაშვილი.

პარლამენტმა კანაფის კულტივაცია/ექსპორტის შესახებ კანონპროექტის განხილვა დროებით შეაჩერა, როგორც პარლამენტის თავმჯდომარე აცხადებს, ინიციატივის ირგვლივ მსჯელობა და კონსულტაციები გაგრძელდება და არ არის გამორიცხული, საკანონმდებლო ორგანოდან კანონპროექტი საერთოდ გაიტანონ.

თაიმერი timer.ge
ავტ.: თაიმერი timer.ge სექტემბერი 21, 2018 10:36