კალიფორნიის შტატში, რესპუბლიკური პარტიის ყრილობაზე, დონალდ ტრამპის მიმართვა საპროტესტო აქციის გამო დროებით გადაიდო.
სასტუმროსთან, სადაც პრეზიდენტობის კანდიდატი სიტყვით უნდა გამოსულიყო, ასობით ადამიანი შეიკრიბა.
დემონსტრანტებმა ბარიკადები გაარღვიეს და შენობასთან მობილიზებულ სამართალდამცველებს კვერცხები დაუშინეს.
არეულობისთვის თავი რომ აერიდებინა, დონალდ ტრამპი იძულებული გახდა, სასტუმროში მოსახვედრად სათადარიგო შესასვლელით ესარგებლა.
