კალაძე: შეთანხმებაში ჩაწერილია, რომ ამნისტია შეეხება ყველას

თბილისის მერმა კახა კალაძემ მედიის მიერ დასმული კითხვის საპასუხოდ განმარტა, რომ ამნისტია 20 ივნისის საქმეზე დაკავებულ პოლიციელებსაც შეეხებათ.
მისი თქმით, ეს შეთანხმების დოკუმენტში არის ჩაწერილი.
„ამნისტია შეეხება ყველას, ეს შეთანხმების დოკუმენტშიც ჩაიწერა. თუმცა, ზოგი პოლიტიკოსისგან ვისმენთ, რომ ისინი მას არ გამოიყენებენ და ამის არჩევის უფლება უნდა ჰქონდეთ. ჩემი პოზიციაა, რომ თუ ეს გადაწყვეტილება იქნება მიღებული, ამნისტია უნდა შეეხოს ყველას. გაუგებარია ის კითხვები, რაც ისმის ამნისტიასთან მიმართებით. თავიდან მოთხოვნა იყო ამნისტიაზე, მიიღწა შეთანხმება, ხელი მოეწერა დოკუმენტს, ამაში ჩართულნი იყვნენ ჩვენი მეგობარი ქვეყნების ელჩები. ახლა გაუგებარია ეს კითხვები“, – განაცხადა კახა კალაძემ.

რეკლამის ბანერი
წინა სტატიაშიკალაძე: ვაგრძელებ ჩემს საქმიანობას, ჯერ პოლიტიკიდან წასვლას არ ვაპირებ
შემდეგი სტატიამასობრივი კრემაცია ინდოეთში ვირუსის საშინელების ილუსტრაციაა