თბილისის მერი კახა კალაძე ჩოხატაურში გუშინ მომხდარ ფიზიკურ დაპირისპირებასთან დაკავშირებით აცხადებს, რომ ძალადობა კატეგორიულად მიუღებელია, ვისგანაც არ უნდა მოდიოდეს.
„ყველა უნდა გავერთიანდეთ და ერთად დავგმოთ ძალადობის ფაქტები. ძალადობა მხოლოდ ფიზიკური არ არის. არსებობს ფსიქოლოგიური, რასაც ყოველდღიურად ვხედავთ, რაც ძალიან ცუდია. რეალურად, ამ პრობლემის მოგვარება თუ გვინდა, ყველა უნდა გავერთიანდეთ, ყველანაირი ძალადობის წინააღმდეგ, პოლიტიკური კუთვნილების მიუხედავად“, – განაცხადა კახა კალაძემ.
