კალაძე: არჩევნებში ჩარევის შესაძლებლობა არავის აქვს, არც რუსეთს, არც ევროკავშირს, არც აშშ-ს

საპარლამენტო არჩევნები დემოკრატიულად ჩატარდება და მასში ჩარევას ვერცერთი ქვეყანა შეძლებს – ამის შესახებ თბილისის მერმა კახა კალაძემ განაცხადა.მედიასთან პრეზიდენტ, სალომე ზურაბიშვილის განცხადებაზე კომენტირებისას ისაუბრა.

კახა კალაძის თქმით, 2012 წლის შემდეგ, საქართველოში არჩევნები დემოკრატიულად ტარდება და ეს სტანდარტი შენარჩუნდება.

„არჩევნებში ჩარევის შესაძლებლობა არავის აქვს, არც რუსეთს, არც ევროკავშირს, არც აშშ-ს. ამას ვერავინ შეძლებს. საქართველოში არჩევნები ჩატარდება დემოკრატიულად, როგორც ტარდებოდა. 2012 წლის შემდეგ ყველამ იცის, როგორ ვატარებთ არჩევნებს და ეს სტანდარტი იქნება შენარჩუნებული.

ყველა პოლიტიკურ პარტიას, პოლიტიკოსს ექნება შესაძლებლობა, აწარმოოს თავისი საარჩევნო კამპანია, შეხვდეს მოსახლეობას, გააცნოს მისი ხედვები და შეხედულებები, თუმცა არჩევნებში ჩარევას ვერცერთი ქვეყანა შეძლებს“, – აღნიშნა თბილისის მერმა.

banner
წინა სტატიაშიდეკანოიძე: მინდა, საზოგადოებამ იცოდეს, რა კითხვებს სვამს სადამკვირვებლო მისია არჩევნებთან დაკავშირებით
შემდეგი სტატიაან შიში პუტინისადმი, ან თქვენი გამბედაობა-ხერხეულიძე პრეზიდენტს მიმართავს