2012 წლამდე საქართველოში აბსოლუტურად განსხვავებული რეალობა გვქონდა და ხშირ შემთხვევაში ამიტომ აპელირებენ, რა იყო 2012 წლამდე და რა მდგომარეობაა დღეს, – ამის შესახებ საქართველოს ვიცე-პრემიერმა კახი კალაძემ ჟურნალისტებს განუცხადა.
კახი კალაძემ კომენტარი თბილისის საკრებულოს დამოუკიდებელ კანდიდატ ალეკო ელისაშვილისა და „ქართული ოცნების“ აღმასრულებელ მდივნის ირაკლი კობახიძის ბოლოდროინდელ განცხადებებთან დაკავშირებით გააკეთა.
„ვფიქრობ, დღეს გვაქვს აბსოლუტურად განსხვავებული და შეცვლილი გარემო, რომელიც არის თითეული ჩვენთაგანის, მთავრობის, ჩვენი ქვეყნის მოსახლეობის დამსახურება“, – განაცხადა კახი კალაძემ.
