კახეთში ახმეტის მუნიციპალიტეტი დაისეტყვა.
ადგილობრივების ინფორმაციით, დასეტყვილია სოფლები: ახშანი, ჩაბინაანი, ზემო ხოდაშენი, ხორხელი და ქისტაურის ნაწილი. ინფორმაციას “მთავარი ამბები კახეთიდან” ავრცელებს.
მათი ცნობით, ქარი და სეტყვა დაახლოებით 15 წუთს გაგრძელდა, რის შედეგადაც ძირითადად ვენახები დაზიანდა.
რა ფართობია დასეტყვილი და რა მასშტაბის ზარალი მიიღეს ფერმერებმა, ჯერჯერობით უცნობია. მოსახლეობა დახმარებას ითხოვს.
ახმეტის მერიაში აცხადებენ, რომ სტიქიის შესახებ ინფორმაცია აქვთ და დეტალებს ეცნობიან.
