შინაგან საქმეთა სამინისტროს კახეთის დეპარტამენტის თანამშრომლებმა სხეულის განზრახ მძიმე დაზიანების ბრალდებით ერთი ადამიანი დააკავეს.
მამაკაცმა ყვარლის მუნიციპალიტეტის სოფელ გრემში თანასოფლელს გულ-მკერდის არეში ცივი იარაღით ჭრილობა მიაყენა. დაჭრილი სასწრაფო დახმარების ბრიგადამ საავადმყოფოში გადაიყვანა. ექიმის თქმით, მისი ჯანმრთელობის მდგომარეობა სტაბილურია.
შსს-ის ინფორმაციით, მომხდარზე გამოძიება სსკ-ის 117-ე მუხლით მიმდინარეობს. დაკავებულს ბრალს დღეს წარუდგენენ.
