ჩვენ ამომრჩევლის აზრზე და მათ ხმებზე, გავლენას არ მოვახდენთ, – ამის შესახებ „ეროვნული ფორუმის“ ლიდერმა კახა შარტავამ საპარლამენტო არჩევნების მეორე ტურთან დაკავშირებით განაცხადა.
როგორც კახა შარტავამ აღნიშნა, “ეროვნულმა ფორუმმა” პარტიულად არჩევნები დაასრულა.
“მოქალაქეები, მხარდამჭერები იქნებიან, თუ არამხარდამჭერები, მათ თავისუფალ აზრზე გავლენას არ მოვახდენთ. საკონსტიტუციო უმრავლესობის დადებით თუ უარყოფით მხარეებზე ჩვენ გვისაუბრია, მაგრამ ეს არ ნიშნავს იმას, რომ “ნაციონალურ მოძრაობას” თუ მეტი წარმომადგენელი ეყოლება, ეს რამით უკეთესია. აქედან გამომდინარე, ჩვენ ამომრჩევლის აზრზე და მათ ხმებზე, გავლენას არ მოვახდენთ”, – განაცხადა შარტავამ.
