კახა საბანაძემ ევროკავშირის წარმომადგენლებთან შეხვედრაში მიიღო მონაწილეობა

შინაგან საქმეთა მინისტრის პირველმა მოადგილემ, კახაბერ საბანაძემ
მონაწილეობა მიიღო შეხვედრაში, რომლის ფარგლებშიც, ევროპულმა მხარემ ქართულ
მხარეს ევროკავშირსა და საქართველოს შორის ახალი, 2021-2027 წლების
ასოცირების დღის წესრიგის პროექტი წარუდგინა. ასოცირების დღის წესრიგი,
რომელიც სხვადასხვა თემატურ მიმართულებას მოიცავს, 2014 წელს
საქართველო-ევროკავშირს შორის ხელმოწერილი ასოცირების შეთანხმების ეფექტიან
იმპლემენტაციას უწყობს ხელს.

შეხვედრაზე კახაბერ საბანაძემ ხაზი გაუსვა ასოცირების შესახებ შეთანხმების
განხორციელების მნიშვნელობას და ამ კუთხით შინაგან საქმეთა სამინისტროს
ძალისხმევასა და ჩართულობას.

ევროკავშირის მხრიდან შეხვედრაში მონაწილეობდნენ ევროპული საგარეო
ქმედებათა სამსახურის, რუსეთის, აღმოსავლეთ პარტნიორობის, ცენტრალური
აზიის, რეგიონული თანამშრომლობის და ეუთოს დირექტორატის ხელმძღვანელი – ლუკ
დევინი; ევროკავშირის დელეგაციის ხელმძღვანელი, ელჩი -კარ ჰერცელი და
ევროკომისიის სხვა წარმომადგენლები.

ქართული მხრიდან შეხვედრას მოდერაციას უწევდა საგარეო საქმეთა მინისტრის
პირველი მოადგილე – ვახტანგ მახარობლიშვილი. ღონისძიებაში, ასევე,
მონაწილეობდნენ სხვადასხვა უწყების მაღალი დონის წარმომადგენლები.

რეკლამის ბანერი
წინა სტატიაშიირმა ინაშვილი – “ქართული ოცნება” კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!”
შემდეგი სტატიათბილისის ინფექციურ საავადმყოფოსთან დღეიდან ეპიდსიტუაციაზე კომენტარები აღარ გაკეთდება