პარტია „თავისუფალი საქართველო“ მიიჩნევს, რომ ოპოზიციამ ბოიკოტი უნდა გამოუცხადოს მმართველი პარტიის მიერ შეთავაზებულ ახალ საკონსტიტუციო ცვლილებების განხილვას და საკონსტიტუციო კომისიას.
”იმ პირობებში, როდესაც წინასაკონსტიტუციო განხილვის პროცესში ოპოზიცია მხოლოდ დეკორაციად გამოიყენა, არ გაითვალისწინა ოპოზიციისა და სამოქალაქო საზოგადოების არც ერთი შენიშვნა, როდესაც ხელისუფლებამ ტოტალურად გააყალბა ადგილობრივი არჩევნები და არ დააკმაყოფილა ოპოზიციის არც ერთი საჩივარი და არც ერთი მოთხოვნა საარჩევნო უბნების გადათვლის შესახებ, ხელისუფლებასთან რაიმე ფორმით თანამშრომლობა ყოველგვარ აზრს მოკლებულად მიგვაჩნია”, – ნათქვამია განცხადებაში, რომელსაც პარტიის პრესსამსახური ავრცელებს.
