„ძალიან მნიშვნელოვანი იყო ის გადაწყვეტილება, რომელიც ჩვენმა კოლეგებმა მიიღეს უკრაინის პარლამენტში და მხარი არ დაუჭირეს მაღალ პოლიტიკურ თანამდებობაზე იმ ადამიანის არჩევას, რომელიც საქართველოში არის ძებნილი. რაც შეეხება უფრო დაბალი დონის თანამდებობაზე მის დანიშვნას ეს ის საკითხია, რომელიც ჩემი აზრით, დამატებით კონსულტაციებს საჭიროებს. სწორედ, დამატებითი კონსულტაციებისთვის, საგარეო საქმეთა სამინისტროს მიერ გამოწვეული იქნა ელჩი და ამ კონსულტაციების შემდეგ ჩამოვაყალიბებთ ჩვენს პოზიციას“, – აღნიშნულის შესახებ პარლამენტის თავმჯდომარის მოადგილემ კახაბერ კუჭავამ განაცხადა.